يضيق الصدر .. لاشفتك .. حبيبي تمسح دموعك
ترى مااقوى على حزنك .. لك الله لاتبكّيني
حبيبي للفرح دايم .. ابيك اتوّقد اشموعك
وابا زورك .. وابفرح به .. لو انه ما يدانيني
وش اللي صار باحوالك .. طلبتك قول موضوعك
ألى هالحد تغليني .. وماودك تعنيّني
تعال وشوفها احزانك .. بَنَت في روحي افروعك
هدمت افراح من شانك .. وماتن بي بساتيني
حبيبي وش تبي قلي .. أنا كلي رهن طوعك
علامك يابعد عمري .. حزين وما تحاكيني
تعال وخذ من اشعاري .. تسّلى عطني اسموعك
وإذا ماجاز لك شعري .. حرام اتخطه ايديني
تبي قلبي ترى جالك .. رحل لك .. داخل اضلوعك
تبي روحي .. تبي فرحي .. تبي مالي .. تبي عيني
حبيبي جيتك ابدمعي .. وودي تمسح ادموعك
أنا غصّتني العبره .. دخيلك لاتبّكيني ..
