السؤال الأول :
انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل فمك .. ما هي ردة فعلك :
1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تلعنها وتشتمها .
3 - تخلي النملة تدخل فمك.
السؤال الثاني :
رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع .. حب ورثته من الجدوووود هع هااااااااااااااااااي والله تسحيبة يمة .
2- تجي بشويش من ورى أمك وهي سرحااانة وتصرخ في أذنها وتقول : مساااااك الله بالخير .. .
3- تطلع غرفتك وماتسوي شيء
السؤال الثالث :
انت توك مقيل وماخذ لك قيلولة(تصفيره) على كيف كيفك ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :
1- تجي يعنني تكنس وتغطي عليهم التليفزيون <<< أحلى يا أليسا
2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف مادريت
3-تقعد تتفرج معهم.
السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :
1- تنسم كفراته الأربعة .
2- تسلم عليه وتلزم عليه يعزمك على العشاء .
3- تشتري له تويكس معك
(((((يم يم يم )))))
النتيجة : ـــــــــ
أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة
ــــــــــــــــــــــــ
اذا كان مجمع اجاباتك
9 - 12 :
أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تضع على راااسك زيت سيارات ثمانين مرة بالثانية وإن شاء الله ماقدامك إلا العافية .
واذا كان مجموعك
5 -8
أنت مرجوج بس على نذااالة شوي ..
مستوى رجتك معقول لكن لا تستخف دمك كثير لأنك ستجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
كل عصفور قبل الغدا مرة في السنة .
اما اذا كان مجموعك
4 - 5
يا أخي انت منتب في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون.
الحل : كورس رجة مكثف
